Жил бүрийн нэгдүгээр сард хаан нь өөрийн биеэр гардуулдаг Нидерландын хааны нэрэмжит "Орчин үеийн уран зургийн шагнал"-ын сүүлийн шатанд дэлхийн 379 зураачийн мянгаад бүтээл өрсөлджээ. Үүний дотор залуу зураач А.Гэгээгийн бүтээлүүд шалгарсан байна. Энэ нь тус шагналд анх удаа монгол уран бүтээлч нэр дэвшсэн тохиолдол юм. Тэрээр зохиолч, соён гэгээрүүлэгч Г.Аюурзаны охин бөгөөд аавынхаа номуудын хавтсыг урлах болсныг уншигчид андахгүй.
Амстердам хот дахь Хааны ордонд 2025 оны 2-р сарын 1-нээс ирэх 3 дугаар сарыг дуустал дэлгэгдэх шилдэг 15 зураачийн үзэсгэлэнг Виллем-Александер хаан нээж, энэ жилийн ялагчийг зарлах юм.
Хааны ордонд бүтээлээ дэлгэн үзүүлэхээр шалгарсан 15 нэр дэвшигчийн дунд ганц л ази зураач багтсан А.Гэгээ бөгөөд тэрээр өмнө нь Парис, Лондон хотуудад үзэсгэлэнгээ гаргаж байжээ.
