Өчигдөр ихэнх нутгаар нойтон цас орж, цасан шуурга шуурч, зам даваанд мөстөлт, халтиргаа, гулгаа үүссэнтэй холбоотой зам тээврийн осол гарч иргэдийн амь нас, эд хөрөнгө эрсэдсэн таагүй мэдээллүүд ар араасаа хөвөрч байна.
Халтиргаа, гулгаанаас үүдэлтэйгээр Гэмтэл Согог судлалын Үндэсний төв болон салбар эмнэлгийн Яаралтай тусламжийн тасагт нийт 86 хүн үйлчлүүлж, тусламж авсан байна. Тэдний 37 нь эрэгтэй, 49 нь эмэгтэй бол үлдсэн 13 нь 0-8 насны хүүхдүүд байжээ.
Иймд иргэд та бүхэнд эрүүл мэндийн байгууллагуудаас өгч буй заавар зөвлөмжийг дагаж мөрдөх, эрүүл аюулгүй байдлаа хангах, болзошгүй осол гэмтлээс урьдчилан сэргийлэхийг ГССҮТ-өөс зөвлөлөө.
