Найруулагч, жүжигчин Б.Амарсайханы ээлжит уран бүтээл болох "Орлон тоглогч" олон ангит кино үзэгчдэд хүрээд удаагүй байгаа билээ. Тус киноны хамгийн чухал зүйл мэдээж дурсамж. Тэрхүү дурсамж дотор хүний мөн чанар, дассан сэтгэлийн хэзээд үл тасрах нарийн утас хэрхэн дүүжлээтэй байдгийг харж болно. Яг л итгэл найдвар шиг тийм тасардаггүй утас л бидний амьдрахад, амьд явахад тусалдаг ч юм шиг бодогдоно.
Харин тус бүтээл өөрийн гэсэн дуутай болжээ. "Чамгүйд би" нэртэй тус дууны үгийг Б.Доржнанжид, Б.Одбаяр бичсэн бол хөгжмийн зохиолчоор мөн Б.Одбаяр ажилласан байна. Ингээд та бүхэн "Орлон тоглогч" олон ангит киноны дууг хүлээн авна уу.
