Монголын Зохиолчдын Эвлэлээс жил бүр зохион байгуулдаг Оны шилдэг шүлэг шалгаруулах “Болор цом-42” яруу найргийн наадам 2024 оны 11 дүгээр сарын 26-нд Улаанбаатар хотноо болно.

Энэхүү наадамд найраг шүлгээ сойх, оролцох хүсэлтэй хэн бүхэн 2024 онд бичсэн, чөлөөт сэдэвтэй 2 шүлгээ 2024 оны 11 дүгээр сарын 20-ны 20.00 цагаас өмнө МЗЭ-ийн цахим шуудангийн mze.khoroo@gmail.com хаягаар илгээх буюу Монголын Зохиолчдын ордны 207 тоотод овог нэр, холбоо барих утсаа тодорхой гаргацтай бичиж илгээх ажээ.

Мөн “Болор цом - 42” наадамд сойх бүтээл урьд өмнө ном, хэвлэл, цахим орчинд нийтлэгдээгүй байх хэрэгтэй. 

“Болор цом-42” яруу найргийн наадмын эхний шатны дүнг 2024 оны 11-р сарын 22-нд зарлах ба цомын эзнийг тодруулах сүүлийн шатны шалгаруулалт 2024 оны 11-р сарын 26-нд Соёлын Төв өргөөнд болох юм.