Өнөөдөр оройн 22 цаг 32 минутад ОУХМ С.Жамбалжамцын өрсөлдөх ганцаарчилсан гараатай дугуйн цуваа уралдааны замд гарна. Түүний туулах зам нь 32.4 км юм.
Тус уралдааны техникийн зөвлөгөөн өчигдөр болсон бөгөөд дэлхийн 34 шилдэг тамирчны нэрсийг баталснаас Ази тивээс зөвхөн Казахстан, Япон, Монгол зэрэг улсуудын тамирчид оролцохоор болсон юм.
Тэрээр Алдар Спорт хороо, Үндэсний шигшээ багийн тамирчин бөгөөд Ази тивийн хошой мөнгө, хүрэл, “Ханжоу-2022” Азийн наадмын хүрэл медалийн эзэн ба UCI тэмцээнээс нийт 55 удаа шагнал хүртжээ.
